| |
Skráðu netfangið þitt hér og fylgstu með! |
|
|
Velkomin á heimasíðu Foreldrafélags Lækjarskóla.
JÓLAFÖNDUR
Jólaföndur verður í Lækjarskóla laugardaginn 9. desember milli kl. 11:00 og 14:00.
Föndurvörur við allra hæfi og í ýmsum verðflokkum verða til sölu á staðnum.
7. bekkur sér um sölu á vöfflum, drykkjum og fleira góðgæti.
Njótum jólastemmningar í skólanum okkar við föndur í góðum félagsskap, undir ljúfri jólatónlist.
Takið með ykkur: Skæri, pensla, nál og tvinna og eitthvað til að hlífa fatnaði, t.d. svuntur, gamla boli eða innkaupapoka – einnig glerkrukkur til að mála á eða líma á ef þið viljið.
MUNIÐ ! Hafið með ykkur pening, það verður ekki hægt að taka við greiðslukortum.
Foreldraröltið 2006-2007
Í vetur ætlum við í Foreldrafélagi Lækjarskóla að leggja áherslu á röltið.
Það er einróma álit lögreglu og forvarnafulltrúa bæjarins að reglulegt rölt foreldranna í bænum hafi skilað miklum árangri. Því til stuðnings nefna þeir fækkun afbrota á síðustu árum og færri mál sem koma upp í kringum unglinga, þetta má rekja til reglulegs rölts og fælingaráhrifa af því.
Röltið verður eins öflugt og við leggjum í það þess vegna er mikilvægt að gera sitt.
Nú er foreldraröltið farið af stað og er ætlunin að rölta alla föstudaga í vetur. Við hittumst kl. 21:45 í Vitanum þar sem
Vitavörðurinn tekur á móti okkur gefur upplýsingar um hvernig staðan er og hvert og hvernig röltið fer fram.
Á listanum sem fylgir er tilgreint hvaða helgar hver á að rölta og ef forföll verða, hafið þá samband við einhvern í sama bekk sem getur skipt.
Málið er í okkar höndum og ekkert annað að gera en rölta.
Kynnið ykkur listann með upplýsingum fyrir foreldra um hvaða bekkur á að rölta og hvenær með því að smella á Foreldrarölt 2006-2007 hér til hliðar.
Bestu kveðjur,
Foreldrafélag Lækjarskóla,
Hrafnhildur Garðarsdóttir
umsjónarmaður foreldrarölts
(habbag@simnet.is)
SKÓLAKÓR LÆKJARSKÓLA
Gróskan í Skólakór Lækjarskóla hefur ekki farið fram hjá neinum og er nú mikill fjöldi nemenda bæði í Litla kór og Stóra kór. Ólöf Björg tónmenntakennari hefur unnið af miklum metnaði að því að efla þennan þátt í skólastarfinu og hefur m.a. samið lag og texta skólalags Lækjarskóla sem er alltaf jafn gaman að heyra kórinn syngja.
Ólöf Björg hefur látið í ljós áhuga sinn á því að kórinn eignist búninga sem börnin klæðist þegar þau syngja opinberlega.
Það er verðugt verkefni í vetur að áhugasamir foreldrar barna í kórnum kæmu sér saman um ýmsar fjáröflunarleiðir til að þessi draumur verði að veruleika. Margar hendur vinna létt verk og verður gaman að sjá kórinn koma fram í búningunum sínum á Syngjandi jólum í Hafnarborg og víðar í framtíðinni.
Heimasíðan er í stöðugri uppfærslu þessa dagana þar sem fundargerðir þessa starfsárs eru ekki komnar inn á hana auk þess sem myndir frá Jólaföndri, Þemadögum, Öskudeginum og Vorhátíðinni eru væntanlegar.
Ef þið hafið fyrirspurn til foreldrafélagsins eða lúrið á efni sem áhugavert er að birta á heimasíðunni, þá vinsamlegast hafið samband við umsjónarmann síðunnar
Halldóru Björk |
|
|
|
|
